Ka Super Division ka West Jaiñtia Hills District Sport Association (WJDSA) kawa tip leh kam ka ‘U Kiang Nangbah Memorial Trophy 2023’ da poi ko cha ka sngi wa arphaw ynne deiwa pynman ka wi ka yalehke.
Ka yalehke wa da pynman toh hapyrdi ka Sailung Ialong waka Shangpung Lumiawmuchai heiwa ka Sailung da jop suk ko da 5-0.
Ya ka Sailung Ialong da thap kool da u Mebakynsai Pale haka minit wa 40 wa 57, u Sandeep Siangshai haka minit wa 45+1, u Heibormi Sungoh (Own Goal) haka minit wa 80 wa u Soniroi Suchiang haka minit wa 88.
Ka Sailung Ialong kattu da jop ko soo sien wei da rem ko chisien wei da ini da yoh nyngkong ko deiwa pyntam ya ka Ladthadlaboh kawa da hiar cha wa ar hanla em ki kat jooh i Point (mar 12 Point) tangwa deiwa kheiñ ya ka Goal Difference da tam ka Sailung.
Ka Shangpung Lumiawmuchai won kattu da da rem ko le sien wei da jop ko ar sien.
Ka yalehke wa bood u pynman haka 20 tarik hapyrdi ka Mynthong waka 7 Wasa heipor 1:30 i sngi.
Discussion about this post