Ka Shillong Lajong da yoh ko yei jop wa nyngkong ha kani ka samoi ka I-League deiwa pynrem yaka Gokulam Kerala da 3-1.
Ka yalehke ynne man ko kawa chit nadooh wa sdang deiwa sakhi ki paidbah wa boon kiwa da e yei kyrchaan heiwa haka minit wa 30 ka Lajong da thap ko lyngba u Daniel Gonçalves deiwa e bol u Captain, u Hardy Cliff Nongbri. Ka Gokulam da su kylliang ko chwa u kut ka kylla step haka minit wa 43 lyngba u Nili Perdomo iwa da pynkut yaka kylla step da 1-1.
Ha ka kylla miet, ka Lajong da pteiñ ko wow ban wei da pyntam ko da ka Penalty wa yoh u Phrangki Buam uwa da chah pynoor hapoh ka Penalty Box wei da thap ya kani ka kool da u Renan Paulino De Souza.
Ka Gokulam da pyrchang ko wow su biang ya kani ka kool tangwa da ye ka Lajong u pyntam sa chi kool lyngba u Hardy Cliff Nongbri haka minit wa 90+8.
Wa ini i jop ka Lajong da ya Drawn ko leh la le sien na soo tylli ki yalehke yow yoh ko 6 Point, wei da em ki hei wa 6 na kiwa boon Point.
Ka Lajong daw yachem ko kattu waka Delhi FC ha kani ka 22 tarik heipor 2:00 waje i sngi ha SSA Stadium, Shillong.
Discussion about this post