4135 tylli ki klong dawai Phensedyl yoh kem ki pulit ka East Jaiñtia napoh kawi ka kari kit phñiang

Hei step ka 17 tarik uni u bnai heipor kamwa 6:30, da pyntip cha ki pulit wa da em kawi ka kari kit phñiang (Tanker) kawa da noh chapoh synrang ha chnong Umtyra ha u sarok NH-06 wei kani ka Truck toh kawa em ya u Number NL-01-AH-2246.

Manda poi ki pulit ha ini i thaw da chem wa uwa yah kani ka kari uwa tip kam u Shakeep Sheik uwa na Maharashtra dang sahkut u hapoh kani ka Truck wei da man u uwa da mynsoo bha wei da ye leh wow sai oo yow pynkit wut-wut cha Civil Hospital, Khliehriat yow yoh u yei sumaar.

Hawa takit nyngkong ya uni uwa yah, da ong u wa kani ka Tanker toh kawa kit Diesel wei da chem leh ki kot ki sla napoh kani ka Truck tangwa i pyrtuid ki tre wa i thaw sah phær i na kiwa em hapoh ka e-Challan App.

Chooh chooh manda kylli naka Bharat Petroleum Transport Office da pyntip wa kani ka Truck ym em wan kit Diesel ko na ka karkhana pynmih phñiang yong ka iwa da pynsuba ya ki pulit.

Related posts

Yoh kem drugs kiwa chong chnong ka Namdong

November 23, 2024

Yoh kem ki pulit ya uwa lai maham bru da kawi ka Pistol

November 21, 2024

Kamtæ ynne manda ah da khloh ya kani ka kari da ki kor (Gas Cutter) da chem wa i thaw booh phñiang toh iwa em da ki synduk kot wa em i dawai Phensedyl kiwa em 4,135 klong kiwa 100 ml iwi.

Ini i Phensedyl hadien wa Test toh iwa emlang wa i Codeine iwa da khang pyrchah da ka aiñ.

Kamtæ da kem ya ini waroh katkam ka aiñ NDPS Act deiwa pynngat leh hapoh ki kyndon ka IPC wei ya ka takit da leh da ki pulit ka Khliehriat Police Station yow chem ya kiwa emkti.