Kam chibynta wow pynmih poisa neibynta ka Lion Sport and Youth Affairs (LSAYA) yow chna ya ka Gymnasium, neiliang ka LSAYA daw pynman ko yaka Fete wa ar sngi haka 18 wa 19 tarik u Duiyatra (Jan), 2024 ha madan Biar ka Lion Mission Compound Dorbar Chnong Jowai.
Kamtæ ynnin i miet neiliang u Awhawi Andrew Shullai, MDC ka Jowai Central da wan u wow pynlait ya ki Ticket Lucky Draw yong ka LSAYA.
Ki Prize waroh man ki Rs. 3 lak kiwa da yabhah mar Rs. 1 lak iwa mut wa ka 1st Prize, ka 2nd Prize wa 3rd Prize man ki mar Rs. 1 lak.
Ya kani ka Lucky Draw daw pynkhle haka sngi khaddooh ka Fete haka 19-01-24.
Ha ka sngi nyngkong ka Fete katæ ka 18 tarik daw wan tem ki Grassroots wa kiwi de katwa haka sngi wa ar katæ ka 19 tarik daw wan tem ki Snow White deilang wa kiwi de wei daw em leh ka Bumper Housie kawa Rs. 50,000.
Discussion about this post