Ka seiñ JSU da pynsñiaw ko cha waroh ka jaitbru Ynñiaw Trep wa ymtoh wow mylliñ ya iwa da dep jia ha ka chnong Mukroh ha u snem wa dadep heiwa da em hadooh 5 ngut kiwa da dooh yei mynsien ha ktang suloi ki pulit Assam.
Ka seiñ pynsñiaw ko leh yei sñiawlem cha kiwa ha-yung ha-sem yong kitu kiwa da khlaad noh ha u kuli ki pulit Assam, ka seiñ pynkynmoo ko wa hadien i dawa ko na u Montri Rangbah ka jylla, u Conrad K Sangma uwa da wan yooh kjat ha Mukroh ha u snem wa dadep wow dawa na oo wow booh wut- wut yaka ktem pulit (Border Police Out Post) ha Mukroh wow e yada yaki paradoh parasnaam kiwa chong cha khappood ka jylla tangwa kani ka Oupost leh ym pu biang ware neibhah wa man ko kawa sap da ki Tin donhi.
Neiliang ka JSU da dawa ko na u Montri Rangbah ka jylla wa toh u pynsmat noh wow e kti ya ini iwa jia ha Mukroh cha ka CBI yow yoh yaka bichaar kawa khooid ymtoh de wow pynslem neibhah da jan ar bnai kattu wa da kut du hei kular wow e kti cha ka CBI tangwa ka sorkar dang pynsahteiñ ko hadooh katni leh.
Discussion about this post