Da dep thoh ka Meghalaya wa Assam cha ka CBI wow chimkti yei takit yeiwa jia ha Mukroh: Prestone

U Symbood Montri Rangbah ka jylla wa pait leh yaka chnat Home (Police), u Prestone Tynsong da pyntip u wa waroh ar ki sorkar Assam wa Meghalaya da dep thoh ki cha ka Central Bureau of Investigation (CBI) heiyatoh wa i yasiat ha Mukroh.

Ha ka 30 tarik u Naikhynde, ka sorkar Meghalaya wa Assam da mynjur ki wow e kti ya iwa jia ha Mukroh wow takit da ka CBI kam chibynta wow pynhun ya ki paidbah.

U Prestone da ong u wa kattu chong ha ka CBI iyi wow leh ko.

Kam wow pynkynmoo wa ynne da dap chi snem thij nadooh iwa jia haka 22 tarik ha Mukroh heiwa ki bor aiñ ka Assam da siat ki ya 5 ngut kiwa chong chnong ka Mukroh wei da yap leh uwi u Forest Guard ka Karbai Anglong Autonmous Council hadien wa kdong ki ya ka kari wa suba kit dieñ tooh.