Ka Meghalaya Early Childhood Development (MECD) & Rescue Mission chirup waka yung krehkaam u Block Development Officer, Saipung C&RD Block ynne da pynman ki yaka Block Level Sensitization on Early Childhood Development (ECD) Mission & Rescue Mission ha Latyrke Camp Office, Saipung C&RD Block heiwa da emlang ka Additional Deputy Commissioner, EJH ka J.U. Kharpuri, u Block Development Officer, Saipung C&RD Block, u Dr. R. Pyrtuh, u District Medical & Health Officer, u Dr. D. Shylla wa kiwi kiwi.
Ka J.U. Kharpuri da ban joor ko yei emkaam wow pynheh pynsan deiwa miat ya ki khynnah khamtam kiwa hapoh 8 snem i rta wei wow pynlait por ki bei ki pa wow em kyrpang wa ki khynnah khnang wow heh wow san ki deiwa bood ya ki nongmuna wa bha.
Da kyrmen ko leh wa daw pynpoor ya ka Wyrta heiyatoh wa i emkaam ka Early Childhood Development namo wow pynheh pynsan ya ki khynnah nadooh dang khian ha man ki thlu yung wa haka imlang sahlang hi waroh kawi.
Ha kani ka sngi ki sahep na ki chnat waphær waphær ka District chirup waka chnat i chait i khiah, ka chnat bhalang, ka chnat puræ puthi, ka Meghalaya State Rural Livelihood Society (MSRLS) waka Meghalaya Early Childhood Development Mission (MECDM) da emlang ki.
Ki bru chemphang ha kani ka sngi da klam ki hajrong i stat i tip, ka POSHAN Abhiyan, ka Integrated Child Development Scheme (ICDS) wa kiwi kiwi.
Da em leh i ya phyllu wa i ya pynpiah jabieñ yow yaklam yeiwa emkaam ki khynnah yow yoh ki u heh u san deiwa biang, ki e sikai deiwa yalehke wa kiwi kiwi de.
Da pynyoo leh ya i Video hajrong ka ECD wa i kaamram ka imlang sahlang wow pynheh pynsan ya ki khynnah nadooh wa dang khian ki.
Discussion about this post