Hadien wa tip deiwa tikna wa em ka kari wa wan na Silchar deilang wa ki mar wa pyrchah aiñ, neiliang ki sahep ka Commissionerate of Customs (Preventive) CCP Shillong da ksoh ki ya kani ka kari Tata Punch ha i janmiet ka 22 tarik uni u bnai ha Nongmynsong, Shillong.
Hawa takit ya kiwa chong ha ka kari da kyntait ki wa kit ki ya kiwon kiwon ki mar tangwa manda kynreh ya ka kari da chem 30 tylli ki khieh sabon wei manda Test da chem wa toh i drug Heroin. Ini i drugs toh iwa khia 370 gm iwa chongdor Rs. 2.59 klur wei da kem leh ya ar ngut ki bru yow takit ya ki.
Ki Custom da man ki kiwa tayar wow yakhun pyrchah ya i khayi tooh ya ki mar nadooh i ksiar, duma, drugs, ki mar wa mih na ki mrad khloo, ki poisa thok wa kiwi kiwi ki kaam deiwa yakrehlang wa ki chnat waphær waphær.
Kiwon kiwon ki bru ye ki wow krehlang heiyatoh wa ki kaam pyrchah aiñ ha chiliang khappood, deiwa pyntip ya ki Custom heiwa daw murieh ya i pyrtuid yong ki wei daw pynkup burom leh ya ki.
Yow tip heiyatoh wa i e burom namo ka Reward Scheme, ye u Download ya kini ki kot deiwa lai ha https://old.cbic.gov.in/resources//htdocs-cbec/gst/reward-scheme-for-informers.pdf.
Discussion about this post