Ka Elaka Lakadong Sports Association (ELSA) da pteiñ biang ko ya ki yalehke ka “3rd Elaka Lakadong Knockout Football Tournament 2023-24” heiwa da pynman artylli ki yalehke ynnin ka sngi ha Madan Kwator (Kwator Zone).
Ha ka yalehke kawa nyngkong heipor 12:00 waje pyrdi sngi, ka Pdeinwahkhynriam FT da jop ko yaka Natbor FT da 5-0 heiwa ya ki kool da thap lyngba u Aibor Shadap ar kool haka minit wa 15, 67 wa mar chi kool na u Bhalang Mukhim haka minit wa 28, u Cheerful Shadap haka minit wa 54 wa u Markos Suchen haka minit wa 60.
Ha ka yalehke kawa ar won heipor 2:00 waje, da pynman hapyrdi ka Kwator FT waka Borghat FT heiwa ka yalehke da man ko kawa yathaaiñ bha nadooh wa sdang hadooh wa jan kut tangwa ka Kwator da jop noh ko da 1-0 lyngba ka Penalty kawa chut da u Cheerful Shadap haka minit wa 69.
Ki yalehke yong kani ka lympung daw pteiñ biang ko haka 02-12-23 ha Kwator Zone heiwa ka yalehke kawa nyngkong toh hapyrdi ka Kur Rymbai FC Borghat pyrchah yaka Kwator SSC heipor 12:00 waje pyrdi sngi katwa ka yalehke kawa ar toh heipor 2:00 waje noh chariñ ka sngi hapyrdi ka Lion SCC, Borghat pyrchah yaka Natbor SC ha madan Kwator.
Discussion about this post