Pynkhreh ka sorkar wow wanrah ya ka Adventure Tourism

Ka Secretary ka Ministry of Tourism, ka V. Vidyavathi da ong ko wa i pynku pynroi ya ki kaam uiñke suwari haka thaaiñ North East emkaam leh wow pyrkhat ya ka bei rymaw wei yeini da ong ko hawa wan chimbynta ko haka Business Session wa pynman da ka ITM ha Shillong yow yaklam ya ki kaam pynroi wa i sdang heh sdang san ka ki kaam uiñke suwari haka thaaiñ North East.

Da ong ko wa kani ka thaaiñ toh kawa da kyrkhu chwa wa em ki thaw wa miat kawa ye bha u taan ya kiwa uiñke suwari deiwa em ki loom ki wah, ki dieñ ki siej, ki krem wa kiwi de kiwa ye leh wow wanrah da ka Adventure Tourism.

Da khana ko wa ka Ministry of Tourism da pynkhreh ko yaka National Strategy for Adventure Tourism wei da thung leh yaka National Board for Adventure Tourism yow yahluti u pynkrehkaam ya kani ka Adventure Tourism hapoh ka ri. Wei ka Ministry of Tourism da pynkhreh ko leh yaka Adventure Tourism Model Law yow booh kyndon kam ki kuna, ka leh Registration, ka Insurance wa kiwi de kiwa emkaam.

Da pyntip ko wa ya kani da phah leh cha waroh ki jylla deiwa kyntu ya ki jylla ka North East wow e leh yei sñiaw yong ki wow pynman kawa chngaaiñ manda pynkrehkaam hapoh ka ri ya kini ki Adventure Sports.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Chooh chooh da pyntip ko wa ka Ministry of Tourism da pynkhreh ko leh yow pynchlur u chna ya ki Rural Homestay yow yoh kiwa uiñke suwari wow sah yow yoh myntoi kiwa chong chnong. Kamtæ da kyntu ko ya ki jylla ka North East wow chimkhia ki ya kani yow e laad ya kiwa chong chnong leh u yoh myntoi ki na ki kaam uiñke suwari.