Hadien wa da dep thooh boon ki buit yow sai ya ki 41 ngut kiwa sahkut hapoh ka Silkyara Tunnel kawa em ha jylla Uttarakhand, daw pyrchang noh da ka Rat Hole Mining kawa sariem wa i rukom tih mooyong hapoh ka jylla Meghalaya.
Ki 41 ngut kattu da sahkut ki la 16 sngi khlem ye u sai ki hadien wa oor moo, oor khyndaw chapoh kani ka Tunnel hei bynta wa kamwa 200 Meter na i thaw psiah cha kani ka Tunnel iwa da khang kset ya kini kiwa kreh wow mih ki.
Kam wow pynkynmoo wa ka kor Auger da sangeh ko wow tih hadien wa joor boon moo hadooh wa da kheiñ wa ki Blade ko wei da sah sa kamwa 10-12 meter chwa u poi cha kini kiwa sahkut.
Kamtæ da wanrah ya 6 ngut ki bru kiwa pliah wow leh yeini i kaam kiwa daw psiah chapoh u Pipe wa heh 800 mm uwa em ha kani ka Tunnel yow sai ya u moo i khyndaw wei kini ki bru kynthup lang ki ya ki Engineer ka Army nadoh ka Madras Engineering Group deilang wa ki bru paidbah.
Kini wa psiah chapoh daw rah lang ki wa ka kor Drilling Maching, u mustur, ka belcha waka khorni deilang wa ki tadong Oxygen.
Ka kor Auger kawa sahkut hapoh uni u Pipe da ye wow sai ka ynne i step deiwa wanrah yaka kor Plasma Cutter.
Kini ki wow psiah chapoh toh kiwa da myllien wow leh ya kini ki jait kaam ha ki krem mooyong deiwa neh boon kynta chapoh.
Najrong kini, da em leh i sdang tih yow siam na tnoom kani ka Tunnel yow poi cha kiwa sahkut.
Ya kini kiwa sahkut da pynpoi baam pynpoi la-ær cha ki lyngba u Pipe.
Discussion about this post