Ynne ka sngi wa le ka 7th Elite Men’s National Boxing Championship kawa da pynman ha SAI Indoor Hall, Shillong da yakhun kiwa yakura wa pawnaam ka ri kam uwa da yoh takma la 6 sien haka Asian Championship, u Shiva Thapa wa uwa yoh Takma Ksiar haka 2022 Commonwealth Games, u Amit Pangal heiwa waroh ar ngut da jop ki tangwa uwa da pynkmen dooh ya ki paidbah toh u yong ka Meghalaya, u Bhalang Shadap uwa da pynrem ya u Enait Khan uwa na DNHDD (Dadra & Nagar Haveli, Daman & Diu) haka Welterweight 63.5-67 Kg.
U Shadap ym em e laad u ya u Khan wow chong ngiah u chibet leh deiwa kura oo khlem sangeh heiwa u Referee da hap pynsangeh u ya ka yakhun haka 2nd Round yow rah ya u Khan cha rood.
U Shadap kattu da man u uwa ar na kiwa yakura ka Meghalayan wow lai cha ka wat wa ar hadien wa u Badonkupar Synnah (Light Welterweight 60-63.5kg) da yoh u yei jop ynnin ka sngi.
U Panghal uwa mihkhmat yaka Services uwa da man leh kam u 2018 Asian Games Champion, da jop u haka yakhun Flyweight 48-51 Kg Fight pyrchah ya u Shivaji na Maharashtra.
U Thapa uwa mihkhmat yaka Assam da jop u ya u Abhinash Jamwal uwa na Himachal Pradesh haka Light Welterweight 60-63.5 Kg.
Da em leh sa kiwi ki ar ngut kiwa na Meghalaya kiwa da chimbynta ynne tangwa waroh ar da rem ki.
U Melvin Malngiang haka Featherweight 54-57 Kg da rem u ha u Himanshu Srivas katwa u Sanjeev Maskut haka 46-48 Kg da rem u ha u Ram Naresh Patel kiwa waroh ar kiwa mihkhmat yaka Madhya Pradesh.
Discussion about this post