Ynne da mih i ya kynaad hapyrdi kiwa kreh ha ka Check Point ka JHADC kawa em ha u sarok Jowai Bypass wa kiwa yah Truck hadooh wa poi cha ka ya kawang moo wei sai wait.
Katkam wa khana ki bru wa sakhi ya ini, da ong wa jia i neidaw wym bien kiwa yah Truck u su ya ka dan wei hadien ini da mih i ya kawang moo waroh arliang wei neiliang kiwa yah Truck da em kiwa sai wait katwa na kiwa kreh kani ka Check Point da em kiwa da rah dieñ.
Ha i Video wa da em wa yoh u riñ, kiwa yah Truck da hiar ki napoh kari deiwa rah lang waka wait ha kti wei da kdong ki ya kiwa kreh kani ka Check Point deiwa kawang moo ya ki, wei da psiah biang ki chapoh ka kari yow yut na kani ka thaw katwa kiwa kreh kani ka thaw da toor ki chakhmat yow kawang moo ya kini ki Truck.
Kani ka Check Point toh kawa da booh da ka JHADC yow pait ya ki kari wa psiah chapoh ka jylla wei lada toh kiwa wan khih chapoh pood u ang ka Council hap emkaam ki wow em yaka Trading License katwa kiwa lai luti donhi hap ki wow pynyoo ya ki kot sla wei kitu ki wym biang ki kot ki sla da hap ki wow su yaka kuna.
Ya ini i Video ye phi u pait heini ha wah:
Discussion about this post