Ka Super Division ka West Jaiñtia Hills District Sport Association (WJDSA) kawa tip leh kam ka ‘U Kiang Nangbah Memorial Trophy 2023’ da poi ko cha ka sngi wa arphaw-ynru ynne deiwa pynman ka wi ka yalehke.
Ha kani ka yalehke, ka Sailung Ialong da yachem ko waka 7 Wasa heiwa ka Sailung da jop ko da 2-1.
Ka 7 Wasa da yoh ko wow thap nyngkong haka minit wa 21 lyngba u Riburom Jat kawa da neh hadooh wa kut ka kylla step.
Ha ka kylla miet da yoo lakam u yoh ka 7 Wasa yei jop tangwa haka chi minit da kylla lut chwa wow kut ka yalehke heiwa ka Sailung da thap ka ar kool haka minit wa 87 wa 88 lyngba u Banshan Pale.
Da ini ka Sailung Ialong da jop ko 6 sien wei da rem ko chisien katwa ka 7 Wasa won da jop ko le sien, rem ar sien wei ya Drawn ar sien. Ka Sailung Ialong da pteiñ ko wow neh hei nyngong i boon Point.
Ka yalehke wa bood u pynman mynstep hapyrdi ka Mukhla Raij SC waka Nangbah Mulang.
Discussion about this post