U MLA ka Trinamool Congress na Songsak, u Dr. Mukul Sangma da pdiang u wa em i yachem wa kiwa yahkhmat ka BJP, tangwa ini i yachem toh iwa da slem nadooh u snem 2019-20, neibhah ha itu i por da em i thmu wow mih noh na ka Congress.
Hawa klam wa kiwa thoh khubor ynnin ka sngi, da ong u wa i mih khubor hadooh kini ki sngi wa em i yaklam yong oo waka BJP toh ka khubor kawa da pynmih ya iwa da dep nadooh itu i por.
U Mukul da ong u wa ha u snem 2019-20 da em boon tylli ki yalang wa kynthup waki Montri ka sorkar pyrdi khamtam yow pynkhreh yaka Election MLA 2023, wei ym ye wow ong wym em neibhah ymtoh iwa sih, wei nadooh itu i por da tip ki yaka yurim wa yieñ u.
Da ong u wow sdang yaka seiñ saiñ pyrthai toh kawa eh wei ka thong ymtoh wow sdang da ka seiñ wa thymme tangwa toh neibynta wow chakri paidbah wei na ini i daw sdang wow wanrah ya ka TMC ha Meghalaya.
Discussion about this post