Ki sabut da biang wa em i thih wei kit mooyong pyrchah aiñ yeiyi won yang ka sorkar: Mukul

U MLA ka TMC, u Mukul Sangma da ong u wa ka sorkar toh u pynkut noh ko yei kyllaiñ hajrong ki kaam tih mooyong pyrchah aiñ wei i kit mooyong pyrchah aiñ, wei toh u e FIR noh neibhah ki sabut toh kiwa da biang wow pynngat mukotduma yaka sorkar.

“Ym em yumut wow skit soodong yeini i kaam, toh u e FIR neibhah lada lai katkam ka hukum ka NGT, da toh wow Register Case noh wei ki bru wa toh u pynkrehkaam yaka hukum toh u Chief Secretary wa u DGP,” da ong u Mukul.

Yeini da ong u hadien wa da e kti u Justice (Rtd) Katakey yaka 18^th Interim Report cha ka High Court heiwa da chem u ya chiboon i tih mooyong pyrchah aiñ kamjooh i kit mooyong heiwa u Mukul da ong u wa hanla da yoo yeini leh, ka sorkar da pteiñ ko wow len.

Da ong u leh wa da emkaam wow takit kammon da yoh laad wow leh yeini wei lada em kiwa em hei bor kiwa da emkti lang.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Chooh chooh da ong u wa ka High Court da chimkhia ko wow leh da ka hi yaka mukotduma (Suo-Moto Case) wei toh u pynkut deiwa chem ya kiwa emkti. “Ymtoh da dep ong O cha ka pyrthai wa 32 lak Metric Ton u mooyong uwa da dep chim yukheiñ da ka sorkar uwa da pyntip leh cha ka Supreme Court tangwa katni ym em de u.”

“Da wiar, tangwa cheiwon u mooyong, ym ye u wow hær. Da dep yaklam O wa kiwa boon, wei ki bru tip hi ki iyi wa jia. Kut u kylla ki Truck toh kiwa kit mooyong wei pyn neini leh da yoo wa em kiwa e kyrchaan da kiwa em hei bor wow leh yeini wei i daw toh du ki donhi wa tip,” da ong chooh chooh u Mukul.

Kamtæ kylli u yei yi yang ki, toh u Register Case noh, neibhah ka aiñ MMDR hapoh ka Section 21 ka aiñ MMDR Act da ong wa ya kiwa leh pyrchah toh u e FIR wei wow Register Case.

Da kyntu u leh ya kiwa chong chnong wow yieñ yaleh pyrchah ya kini ki kaam pyrchah aiñ deiwa khana wa nachwa da dep thoh u cha u Chief Secretary warim, u MS Rao heiyatoh wa i wiar u mooyong na West Jaiñtia Hills tangwa ym em wa leh iyi iyi leh.