Super Division: Ka Ladthadlaboh, Sailung Ialong, 7 Wasa waka Nangbah Mulang wa psiah Semi

Ka Ladthadlaboh, ka Sailung Ialong, ka 7 Wasa United waka Nangbah Mulang u yaknieh ki yei thaw yong ki haka Final ka Super Division wa tip leh kam ka 14^th U Kiang Nangbah Memorial Trophy wa pynman da ka West Jaiñtia District Sports Association (WJDSA).

Ynne da pynkut ya ki yalehke chwa wow sdang ki yakhun Semi da ka yalehke hapyrdi ka Ladthadlaboh waka Shangpung Lumiawmuchai heiwa ka Ladthadlaboh da jop ko da 5-0 iwa da pynman yaka Ladthadlaboh waka Sailung Ialong wow yoh ki thij i jooh i Point deiwa jop mar 6 sien, rem chisien neitæ ki kool wa chah thap wa ki kool wa thap leh man ki i jooh.

Ka Ladthadlaboh da yoh nyngkong ko haka Points Table neidaw wa da dep pynrem ko yaka Sailung Ialong chisien.

Hei wa le da em ka 7 Wasa United kawa yoh 11 Point iwa man i jooh waka Nangbah Mulang kawa em hei wa soo neitæ ka Mukhla Raij kawa em hei wa san.

Related posts

District Cricket League: Jop ka Mupliang ya ka NEAU

May 9, 2025

U-20 Men’s National Football C’ship: Psiah Semi ka Meghalaya

May 9, 2025

Ka 7 Wasa da yoh ko hei wa le deiwa kheiñ da ka Goal Difference kamjooh da tam ka Nangbah Mulang yaka Mukhla Raij da ka Goal Diffrence. Kini ki le tylli ki liang da jop ki mar le sien, rem mar ar sien wei ya Drawn mar ar sien.

Ki liang wa em cha tre toh ka Khimusniang kawa yoh 5 Point waka Mynthong kawa yoh nod wei da hiar ki leh cha ka 1^st Division.

 Ki Semi Final wa daw pynman toh le tylli haka 4, 5 wa 9 tarik.

Ka Semi Final wa nyngkong wa tip kam ka Qualifier kawa daw pynman haka 04-12-23 heipor 1:00 waje i sngi toh hapyrdi ka Ladthadlaboh waka Sailung Ialong.

Ka Semi Final wa ar wa tip kam ka Eliminator kawa daw pynman ha ka 05-12-23 heipor 1:00 waje i sngi toh hapyrdi ka 7 Wasa waka Nangbah Mulang.

Ka Semi Final wa le wa daw pynman haka 09-12-23 heipor 1:00 waje i sngi toh hapyrdi kawa rem haka Semi wa nyngkong wa kawa jop yaka Semi wa ar iwa mut wa kiwa jop yaka Semi wa nyngkong da psiah ki sak cha ka Final.