Ka Super League ka Saipung Block Sports Association (SBSA) da pteiñ biang ya ka ynne da ki yalehke Semi Final wei ha kani ka Super League da booh yow pynman le sien.
Kamtæ ynne da pynman ar tylli heiwa kawa nyngkong da tip kam ka Semi Final Qualifier heiwa kiwa jop da yoh ki u psiah Final wei ha ka Semi Final wa ar wa tip kam ka Eliminator won kiwa jop hap yachem ki waka liang wa rem haka Semi Final Qualifier.
Ha ka Semi Final Qualifier kawa da pynman heipor 11:30 i step, ka Mulait United FC da jop ko yaka Lamyrsiang SCC da 1-0 da ka kool wa thap da u Jefree Surong haka minit wa 115 (Extra Time).
Ha ka Semi Final Eliminator wa da pynman heipor 1:30 i sngi, ka Jalaphet Bri Sumer da jop ko yaka Narwan da 1-0 da ka kool wa thap u Plider Dkhar haka minit wa 50.
Ini mut i wa ka Mulait United da yoh ko u psiah Final wei ya kiwa yachem waka daw rai haka 5 tarik haka Semi Final wa khaddooh wa daw pynman hapyrdi ka Jalapher Bri Sumer waka Lamyrsiang heipor 12:30 i sngi.
Discussion about this post