Ka Super Division ka West Jaiñtia Hills District Sport Association (WJDSA) kawa tip leh kam ka ‘U Kiang Nangbah Memorial Trophy 2023’ ynne da pynman ya ka Semi Final wa nyngkong kawa tip leh kam ka Qualifier heiwa ka liang wa jop u yoh ko u psiah bait cha ka Final.
Kani ka Semi Final leh man ko hapyrdi ki Top Team kitæ ka Ladthadlaboh kawa em hei nyngkong waka Sailung Ialong kawa em hei wa ar.
Ka Ladthadlaboh da yoh ko wow booh yei thaw yong ka ha ka Final deiwa jop yaka Sailung Ialong da 1-0 lyngba ka kool wa thap u Promi Suting haka minit wa 90+1.
Ka Semi Final wa ar daw pynman mynstep kawa tip leh kam ka Eliminator heiwa ka 7 Wasa u yachem ko waka Nangbah Mulang heipor 1:00 waje i sngi wei kiwa jop ha kani daw yachem ki waka Sailung Ialong yow jied ya kiwa yoh u psiah Final.
Discussion about this post