U dkhot yong ka National People’s Party (NPP), u John F Kharshiing da lai u wow man kam u kongsan haka yalang ka yung krehkaam yong kawi won ka seiñ saiñpyrthai, ka Bharatiya Janata Party (BJP).
Ini i leh u John F Kharshiing wow yieñ haka rynsan ka BJP da pynlyngngoh ya kiwa boon khamtam wa dang ma u dkhot yong kawi won ka Party wa jooh yakhun pyrchah ha ki por Election hanla dang emlang ki katni haka sorkar.
Hawa pyrchang wow kylli yeini deiwa Phone ha u John Kharshiing hajrong ini, da khana u wa da lai u wow embynta ha katai ka yalang hadien wa da chah khut sñiawbha ha kiwa yahkhmat ka Meghalaya BJP State Kisan Morcha wow e yei klam kam u kongsan haka yalang wow lehkmen yaka sngi wa kyrpang ki warep, heiwa da ong u leh ka yalang wym toh kawa yatoh iyi iyi wa ki kaam saiñpyrthai neibhah lada kiwi ki seiñ leh khut ki, smat u wow lai e yei klam.
Hawa klam ha katai ka yalang, neiliang u Kharshiing da e khublei u leh yaka seiñ BJP kawa da jop ha ki 3 tylli ki jylla haka Election wa da kut noh ynnin ka sngi.
Discussion about this post