Phah ka sorkar Meghalaya yaka NHIDCL wow booh dei por yow pyndep ya waroh ki sarokbah

U Montri Rangbah, u Conrad K Sangma ryngkat i emlang u Symbood Montri Rangbah wa pait yaka chnat chnat PWD (Roads), u Prestone Tynsong ynne ka sngi da yaklam ya phyllu ki hadooh 3 kynta wa ki heh ka National Highways & Infrastructure Development Corporation Ltd (NHIDCL) yow bichaar yei lai ki kaam pynkreh ya ki sarokbah ha ka jylla.

Hawa klam hadien ka yalang, u Montri Rangbah da khana u wa da phah booh por ya ki Contractor wow pyndep ya waroh ki kreh, heiwa da phah leh ya ki bor wa toh u pait yow pynbait ya waroh i eh hawa yatoh wa i chna ya ki surok.

Ha kani ka yalang da bichaar ya u sarok Nongstoin-Maheskhola-Rongra, Wahkaji-Kyrshai, Nongstoin, Shillong-Dawki wa Western Bypass leh. Katkam i ong u Conrad da em boon ki daw kiwa pynthut hadooh i sahteiñ ha ki kattu katni yow yoh thaw, i ya kam thaw wa kiwi de ki daw.

U Conrad da ong u wa katni toh i por kreh wei ka sorkar ym kwah ko wow pynsepai ya ini i por wa rang u slap.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heiyatoh won wa i kreh yow chna ya u sarok Flyover, u Conrad da khana u wa da em i pynkylla wei da yaklam leh waka sorkar India kammon wow pynyieñ paia. Wei ini i pynkrehkaam leh em ko hapoh i pait yong ka ka Company Japan International Corporation Agency (JICA) kawa pynkreh ya u sarokbah Shillong-Pynursla-Dawki, ya iwa i lut dapoi kamwa Rs. 1500 klur.