Ki kular ka seiñ BJP hei yatoh wa ka Bye-Election

Shillong : U president ka seiñ BJP Meghalya State Unit u Shibun Lyngdoh da pyllait u ya ka kular election (Election Manifesto) hei yatoh wa ka Election Chiteiñ Samoi yong ka KHADC wa ka JHADC ka wow pynman ha ka 13 tarik uni u bnai.

Ki kular kiwa ka BJP da booh em ki 5 tylli; yow pynpoi ya ka poisa pynroi (Direct Fundinng) na ka sorkar bei cha ki District Counil, yow pynbha pynmait ya ki skur ka District Council, yow pynyoh ka aiñ synchaar chnong yong ka KHADC, u pynneh pynsah ya ka riti dustur hei yatoh i rukom man tre khyndaw ki tre ri ka thaiñ yong  ka Khasi-Jaiñtia Hills wei wow pynku ya ki kaam uiñsawari hei rukom wym ktah ya ka bei rymaw.

ADVERTISEMENT

Da ong leh i pyllait ya ka manifesto hei yatoh wei i chim bynta ka BJP ha kani ka election chiteiñ samoi toh kam ka laad wow pynbna pyrthai ya ki scheme wa boon wa ki waphær waphær ka sorkar BJP kiwa da sdang nei bynta ki paidbah ka ri khamtam ya ki jaitbru khian paaid.

Hei yatoh won wa ki skur ki District Council da ong wa ki man ki kam ki laad u pynneh ya i ktien tynre yong i heiwa boon ki skur da sdang ki u sikai chwa da ka ABCD ha chwa wow sikai ya ka ABKD.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hei yatoh wa ka VAB ka KHADC da ong wa da toh por u tipmit noh ya ki dorbar chnong da ka aiñ wei ymtoh u wiar ka riti dustur manda tipmit da ka aiñ.