Ka Meghalaya katni da em ko i yong ka hi i thaw Test heiwa da ye u pynchitom smat ya kiwa khayi drugs

U Montri Rangbah ka jylla, u Conrad Kongal Sangma da khana u wa ha ki kajiak snem wa da dep, kamwa Rs. 360 klur i drugs wa da yoh kem ka sorkar hei booh thong wow pyndooh jait yei drugs deiwa ya krehlang wa ki seiñ kreh mon sñiawbha, ki dorbar chnong, ki seiñ niam lyngba ka DREAM (Drug Reduction Elemination and Action Mission).

Hawa klam hadien ka yalang wa da pynman da ka chnat Social Welfare ha U Soso Tham Auditorium, Shillong hajrong ka thong yong ka DREAM waka BUILD, u Conrad da ong wa i wanrah yaka DREAM waka BUILD toh kawa emkaam neibhah wa hap leh wow pynbait yei emkaam ha ki chnong ki thaw.

Da ong u wa ka DREAM Project toh ka thong ka sorkar wow ya ksohkti lang wa ki waheh chnong wei ka thong toh yow wanrah kawi ka rynsan wow ya krehlang hapyrdi ki seiñ, ki chnong wa ki seiñ niam heiwa ka sorkar u e ko yei kyrchaan wow chna ya ki Rehabilitation Center. Da ong u leh wa ka thong yong kani ka Project toh yow kyrchaan ya ki bru na ki manyung wa dooh wa duk kiwa emkaam wow em ha ki Rehabilitation Centre.

Chooh chooh da ong u wa ka sorkar hap ko wow ya krehlang wa kiwi ki sorkar jylla kamjooh waka sorkar pyrdi wei ka sorkar pyrdi da phah ko ya ka jylla wow man kawa pait bniah deiwa pynkhlan ya kiwa thooh yei buit yow kdoh u khoom ya kiwa khayi drugs iwa da pynman katni wow yoh kem boon ngut kiwa khayi drugs.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Da khana u leh wa katni ka jylla Meghalaya da em ko leh ka yong ka hi ka thaw wow Test wei ym hap dei wow chaniah ha kiwi ki jylla, wei ini da yarap ko wow pynchitom smat katkam ki aiñ ya ki bru wa emkti.