Kat ha u Naisaphra da yoh u wai yaka Yung Dorbar Chna Aiñ wa thymme: Thomas Sangma

U Thomas A Sangma, Speaker ka Meghalaya Legislative Assembly, ynne da lai pait lai sylli wei da pynman u leh yaka yalang wow booddien yei chna yaka Yung Dorbar Chna Aiñ wa thymme ka jylla wa em ha Mawdiangdiang.

Da ya emlang leh u Deputy Speaker, u Timothy D Shira deilang wa u Dr. Andrew Simons, Commissioner & Secretary ka Meghalaya Assembly wa ki sahep na kiwi ki chnat deilang waka Assembly Secretariat.

Neiliang u Speaker da pynskem u yei thong ka sorkar wow pyndep smat ya ini i kreh.

Da ong u wa da booh thong wow pyndep yei kreh hapoh u Naiynñiaw næ Naisaphra 2024 dei thmu wow chong yaka Autumn Session ha kani ka Assembly Building wa thymme ka Meghalaya Legislative Assembly.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hadien ka yalang da khana u wa da khut lang yaka chnat kiwa boon wa kynthup yaka PHE ka wow pait yei pynpoi um, ka chnat Social Forestry ka wow pait yei mait ki soodong, ka Arts and Culture yow pynriam da ki rong wa yatoh waka dustur riti wei da em leh kiwi ki chnat kam ka IT, NIC wa kiwi wei da ap leh yei pynsñiaw yong waroh kiwa da khana wa i kreh toh kiwa lai chakhmat khlem pynslem.

Heiyatoh waka khlieh tnoom, da ong u wa da dep pynkhooid ya waroh iwa haap wa oor wei i kreh thymme toh iwa da sdang wei ka tnoom wa thymme daw chna noh da ki nar wa tip kam ki Prefabricated Steel kiwa daw poi ha u bnai nyngkong u snem wa thymme wei daw pyndait ha u bnai wa ar wei daw pyndep ha u bnai wa soo.

Chooh chooh da pynche u wa ya kani ka tnoom daw bichaar nyngkong da ka IIT Guwahati waka IIT Roorkee.