Pyntikna u Rakkam wa bakla ki Answer Keys kiwa pynmih neibynta kiwa yaleh MTET

U Montri wa pait yaka chnat puræ puthi ka jylla, u Rakkam A Sangma da ong u wa ka chnat daw pynbait ko yei pynmih bakla ya ki ‘Answer Keys’ namo ki jubab yong ka Meghalaya Teachers Eligibility Test (MTET) 2023 kawa dang dep pynman ini wa dep.

Da ong uwa dang dep pyntip wot cha oo yei pynmih bakla ya ki Answer Keys da ka Directorate of Educational Research and Training (DERT), heiwa da phah ya ki sahep wow pynbait smat ki.

Heijooh i por da ong u wa lada kiwa yaleh Exam jubab ki deiwa toh daw chim bait wa toh iwa biang wei da pynrap u wa ki Answer Keys kiwa da mih toh kiwa bakla wei da pynklumar i tangwa ym ktah i ya kiwa jubab deiwa toh.

Ynne hi ka sngi, ki dkhot yong ka Khasi Student Union (KSU) Education Cell da yachem ki ya u Montri yow dawa neibynta wow leh iyi iyi hajrong ki kynrum kynram wa mih nei pynman ya kani ka MTET.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Kam wow kdaw heini wa kiwa yaleh yaka Meghalaya Teachers Eligibility Test (MTET) 2023 hadien wa pait ki ya ki Answer Keys kiwa pynyoo iwon i jubab wa toh kiwa da pynmih da ka DERT hadien wa pynman yaka MTET, da chem ki kiwa boon toh kiwa bakla da kamwa 75-90% neibynta waroh ar, kitæ kiwa yaleh Primary wa Upper Primary School.

Iwa mut wa em kiwa jubab deiwa toh tangwa haka Answer Keys da pynyoo ko da iwi won i jubab wa toh iwa da pynartatien ya kini kiwa yaleh ya kani ka MTET.