U Montri sorkar uwa man leh kam u MLA ka Khliehriat, u Kyrmen Shylla da pyntip u wa ye u khut da ka yalang paidbah ha u bnai nyngkong u snem thymme ha East Jaiñtia Hills yow ap yei sñiaw ki paidbah yei thmu ka sorkar yow wanrah luti rel hapoh ka District.
Da ong u wa yeini da pyrkhat lang waka MLA ka Sutnga-Saipung, ka Santa Mary Shylla yow ap na waroh ki liang kammon sñiaw ki hajrong ini i kaam.
Da khana u leh wa kiwa wan yachem wa oo yow pynsñiaw ymtoh waroh kiwa pyrchah næ waroh kiwa kyrchaan yei wanrah luti rel wei yow sñiawthooh yeini bha wow pynman da ka yalang paidbah, heijooh i por da ong wa ym pu em booh tarik mynnu u pynman ya kani ka yalang.
Da ong u wa iwon iwon i rai ymtoh wow leh deiwa jhan khlem da yoh u yaklam deiwa che wei khlem da sñiawthooh ki paidbah.
Kamwa ong u nachwa da ong biang u wa lada kyrchaan ki paidbah, oo leh daw kyrchaan u wei lada pyrchah ki oo leh daw pyrchah u neibhah oo man u kam u chakri paidbah.
Da ong u leh wa kawon kawon ka rai wa chim hap wow pyrkhat jngai boi ya ktah hadien ha bood wei lada kyrchaan leh toh u biang ki daw kamjooh lada pyrchah leh neibhah hap wow thaw pyrla yei myntoi wei i dooh myntoi.
Hajrong ini waroh da ong u wa emkaam wow yaklam wei yow sñiawthooh bniah ya iwon iwon i rai wa chim.
Discussion about this post