Ka Meghalaya da jop ko yaka Arunachal Pradesh da chi Innings wa 76 Run ha ka sngi wa le ka U-19 Men’s Cooch Behar Trophy kawa da pynman ha Anand, Gujarat ynne ka sngi.
Deiwa pteiñ da 22/1, wei deiwa emkaam sa 183 Run yow phah Bat biang yaka Meghalaya sa chisien, ka Arunachal da ye ko wow kamai 129 na ki 45.5 Over yow e yei jop yaka Meghalaya.
Ynnin ka Meghalaya da kamai ko 365 All Out, iwa mut da tam da 205 Run haka First Innings yaka Arunachal kawa da kamai 160/10 haka sngi wa nyngkong. Na kiwa Bat ka Meghalaya, da lehbha da u Avinash Rai uwa kamai 126 Run.
Na kiwa kawang bol ka Meghalaya, da lehbha da u Angkit Tamang uwa da yoh 4/33 na ki 17 Over deilang wa u Shavian Blah uwa yoh 3/22 na 11 Over. Ar tylli ki Wicket da lai ki cha u Kishlay Vishlux (2/15 na 4.5 Over) wa chi Wicket cha u Balgrik Sangma (1/32 na 9 Over).
U Shavian da yoh u 4/34 na ka First Innings, iwa mut waroh da yoh u 7/56 wei da ka Bat won da yoh u 74 Run. U Angkit wa u Balgrik da yoh ki mar 5 Wicket ha waroh kawi ka yalehke deiwa yoh ki 5/62 wa 5/60.
Ka Meghalaya chwa ini da ya Drawn ko waka Mizoram dep te rem ko haka Nagaland kiwa da pynman ha Shillong wei hadien ini kattu da jop ko yaka Sikkim waka Arunachal kiwa da pynman cha baar ka jylla.
Kiwa yalehke ka Meghalaya kattu daw yachem ki waka Manipur haka yalehke wa khaddooh yong ki kawa daw sdang nadooh ka 15 tarik uni u bnai ha Shillong.
Discussion about this post