Da ka Rally ha Tripura haka sngi Christmas yow dawa pyndooh noh yei man ST kiwa da kylla Christan

Ka chnat Tripura ka seiñ Janajati Suraksha Mancha kawa kam ya idæ kam kawa yaleh yei hok ki jaitbru ri-loom da pynbna ko wow pynman ya ka lai paidbah namo ka Rally haka sngi Christmas uni u bnai yow dawa pyndooh noh yei tipmit kam ki Tribal ya kitu kiwa da man Christan deiwa pyndam noh yei man ki kam ki Schedule Tribe.

Ini i thmu kani ka seiñ da chah beiñ i ha ka Congress waka CPM ka jylla Manipur.

Kani ka seiñ da ong ko wym em man pyrchah ko ya kawon kawon ka jaitbru namo ka niam tangwa da ong hi-eh ko wa em kitu kiwa yoh myntoi arliang hadien wa kylla ki cha ka niam Christan. Kamtæ u pynman ki ya ka Rally ha kani ka 25 tarik yow dawa pyndam noh yei tipmit ya ki jaitbru ri-loom kiwa da man Christan.

Chooh chooh da ong ki wa ini i dawa toh iwa da slem iwa da nadooh u snem 1966-67 hapoh i yahkhmat u Karik Orang heipor wa man u kam u MP.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Da ong ki leh wa ha u snem 1970 da phah ya ka Demand List deiwa mynjur ka Joint Parliamentary Committee kawa da e kti cha u Prime Minister.

U Binud Kumbang uwi na ki heh kani ka Mancha da pyntip u wa daw pynman ya kani ka Rally ha kiwa boon ki chnong wei da dep wow pynman 14 tylli ki Rally hapoh ka ri wei daw pynman chooh kiwi de wei ka heh dooh daw pynman toh kawa da e pyrtuid ‘Chalo Delhi’ heiwa da antaad wa 5 lak ngut ki bru daw chimbynta ki yow lai e dorkhat cha ka President ka ri India.

Ini waroh da mih i deiwa pait ya ki thaw wa em hapoh ka Tripura Tribal Areas Autonomous District Council heiwa hapoh kani da em 30% kiwa chong chnong ka jylla. U pood u ang kani ka Autonomous District Council toh uwa em ha waroh ki 8 tylli ki District ka Tripura tangwa ymtoh won waroh ki bynta kini ki District tangwa da man won kamwa 70% waroh i heh kani ka jylla wei da em 19 tylli ki jaitbru ri-loom wa em hapoh kini ki thaw.

Ha Tripura da antaad wa em kamwa 1.60 lak ngut ki Christan iwa man kamwa 4.35% na waroh i boon bru hapoh ka jylla heiwa ki Hindu da em ki 83.40%.

U Convener kani ka Mancha, u Shanti Bikash Chakma da ong u wa ki Tribal wa da man Christan ymtoh de u yoh ki yei yada kam ki jaitbru tynre neibhah da kylla ki cha kawi won ka niam wei toh u pyndooh noh ki napoh ka ST List.

Neiliang ka Congress da ong ko wa ka BJP wa synchaar hapoh ka jylla suki hi-eh ko wei ka seiñ ki jaitbru ri-loom kawa synchaar waka BJP kawa tip kam ka People’s Front of Tripura leh suki hi-eh ko hajrong ini.

Ka TIPRA Motha kawa man kam ka liang pyrchah ha Tripura da beiñ ko yeini i pyrchang wow phiah ya ki bru hajrong ka niam, wei u heh yong ka, u Pradyot Kishore da phah u ya ka khubor cha ki paidbah lynga ki Social Media deiwa ong wa em kiwa kwah u pynemkaam ya ka niam yow phiah ya ka Tripura kamjooh pyn para jaitbru ri-loom.