Sniawbhalang Football Tournament: Jop ka Thadmynri, Moorap waka Umjlasiaw

Ka 3rd Sniawbhalang Football Tournament kawa da pynman ha Wahiajer da pteiñ ya ka ynne ka sngi deiwa pynman soo tylli ki yalehke.

Ka yalehke wa nyngkong da kut ko da 1-1 hapyrdi ka Ummulong waka Nartiang. Ya ka Ummulong da thap kool da u Mebanker Challam haka minit wa 11 katwa yaka Nartiang da thap da u Samborlang Nongtdeh haka minit wa 41.

Ha ka yalehke wa ar, ka Thadmynri da jop ko dei Walk Over yaka Lumlakhiat.

Ha ka yalehke wa le, ka Moorap da jop ko yaka Myrjai da 3-2. Ya ka Moorap da thap da u Arkini Laloo haka minit wa 8, u Johny Sari haka minit wa 39 wa u Emlang Lamare haka minit wa 47 katwa yaka Myrjai da thap da u Jumanki Phawa haka minit wa 63 wa kawi wa thap bakla da u Chemphang Kharsohnoh haka minit wa 65.

Related posts

Ka Lumshnong kam ka Champion ka 2nd Division 2025 ka EJHDFA

August 18, 2025

Da ka song poisa wa Rs. 5 lak deilang i ksiar wa chiteiñ tola ha ka Gold Cup ka Wapungskur SSWO

August 18, 2025

Ka yalehke wa soo da jop da ka Umjlasiaw yaka Nongmulieh Sehlama da 2-0 da ki kool wa thap u Baiahun Tariang haka minit wa 18 wa u Saibok Tariang haka minit wa 65.

Mynstep daw pynman kawi ka yalehke hapyrdi ka Nartiang waka Sohphoh heipor 2:00 waje i sngi.