Ym slem de u pynmih noh yei pynbna lait kreh pulit wa em palat 3000 tylli

U Symbood Montri ka jylla, u Prestone Tynsong uwa pait leh ya ki kaam pohyung, ynnin da pyntip u wa ya i pynbna lait kreh namo ka Advertisement neibynta ki kreh pulit wa lait daw pynmih ha ki bnai nyngkong ki u snem 2024.

Da pyntip u wa ki kreh pulit wa lait em ki palat 3000 tylli hapoh ka Meghalaya Police Department.

Chooh chooh da pyntip u wa i pynkhreh yow pynmih yaka Advertisement da jan dep i wei lada ymye u pynmih ha uni u snem, daw pynmih won ha ki bnai wa sdang u snem thymme.

Da pyntikna u leh da em palat 3000 tylli ki kreh pulit wa lait nadooh ki Sub Inspector, ki Armed wa Unarmed Branch Constables, Firefighters wa MPRO Operators.