Lai paan u Conrad yei kyrchaan u Modi waka Sitharaman yow pyndep ya ki kaam pynroi wa da sdang

U Montri Rangbah ka jylla, u Conrad K Sangma ynne da yachem u wa u Prime Minister ka ri, u Narendra Modi yow e khublei yeiwa lehbha ka Party ha ki Election wa dang dep pynman ini wa dep wei da khana u ya oo leh yei long i man ki kreh wa da sdang hapoh ka jylla Meghalaya.

U Modi da pynsñiaw u yei kmen yow tip wa ka mang poisa yow wanrah ya ki kaam pynroi da ku ko da ar chah iwa da kynjoh le chah wei neiliang u Conrad da khana u leh ya ki thong wa da booh yow leh ha kini ki 5 snem.

Chooh chooh u Conrad da khana u yei kreh neibynta ka New Shillong Township kamjooh yei wow rah yaka Secrtariat cheini yow pynkyllooid ya ka Shillong wei da pynyoo u leh ya ki dur ki dar wa kammon daw pynwan dur yeini.

Kamtæ u Conrad da paan yarap u na u Modi yow ye u leh yeini heiwa da kular u wow e yarap.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

U Conrad da lai yachem u leh yaka Nirmala Sitharaman, Finance Minister ka ri yow paan yarap neibynta ki Externally Aided Project (EAP) kiwa da yoh poisa yow pynkreh na baar neidaw wa katni ka sorkar da booh ko da kyndon hadooh katwon wa ye u chim poisa.

Hajrong ini, u Conrad da pyntip u wa ka Meghalaya da pynkreh ko chiboon ki kaam lyngba ka EAP wei ka sorkar toh u e laad ko ya ki jylla wa da pynkreh bha kam ka Meghalaya wow yoh laad ki u chim chooh ka poisa yarap.