Daw sdang u Wailadmiki da ka App wow thooh bniah iyi wa emkaam ya oo u leh ha ki 5 snem

U MLA ka Jowai Constituency, u Wailadmiki Shylla hawa wan wai yaka yaaw yadai ya thied wa ar sngi yong ki SHG wa da pynman ha madan Ladthadlaboh, Jowai ynne da ka yung krehkaam u Deputy Commissioner ka West Jaiñtia Hills District chirup i krehlang wa kiwi won ki chnat sorkar. Da ong u ka jylla yong i toh kawa dang chaniah ya iwa boon iwa emkaam na baar, wei kani pynyoo ko wa dang yoh i boon ki laad ki kabu wow leh du neibynta ka jylla yong i hi la heiyatoh wei rep i riang, i ri mrad najrong kiwi won ki jait kaam lyngba ki sap waphær waphær.

Kyntu haroh u ya ki khon khynroo khyllood wow mih ki chakhmat u sdang yei kaam waphær waphær nadooh wot iwa khian leh, neibhah ka sorkar leh da wanrah ko boon ki Scheme yarap.

Ong haroh u wa lada ki bru yong i hi kreh lut ki ya waroh ki jait khih, ym em ki baar jylla wow wan kreh hapoh ka jylla ka thaaiñ yong i.

Ha kani ka sngi u Wailadmiki Shylla da pynbna paidbah haroh u wa ym slem de daw pynmih u kawi ka App kawa man kam ka kynja wow chim sorjamin (Survey) yow yoh yukheiñ na ki paidbah ka Constituency yong oo khnang yow tip u iyi u pynkreh haki 5 snem wow wan wei kammon u pynlai yaka MLA Scheme yong oo.

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Lyngba kani ka App, ki paidbah ye ki u pyndap nadooh i pyrtuid, i khih i kreh ki wa kiwi kiwi wa emkaam u pyndap katkam wa dawa ka App, neitæ u thooh haroh kiyi ki jait yarap wa kwah ki naka sorkar.

Wei neiliang yong oo hadien wa chem iyi i bynta wa boon dooh i dawa i emkaam, daw yaklam u wa u Montri Rangbah ka sorkar jylla neibynta u wanrah næ pynyoh yeitæ.

Heijooh i por kyntu u ya ki paidbah wow yakrehlang hadien wa pynmih yaka App khnang yow tip yeiwa emkaam hapoh ka Constituency wei wow leh katkam wa emkaam.

Hadien wa da kut ka yalang, da wai ya kani ka yaaw yadai ya thied wa da emlang nadooh u F.B. Basan, MCS, Project Director DRDA, ki sahep napoh ka chnat Agriculture, Veterinary, DCIC, ka Food Safety, Fishery wa kiwi wei da lai li pait haroh u ki mar waphær waphær wa ki bru yong ka thaaiñ da dai ki nadooh ki mar rep, ki mar baam, ki tiar waphær waphær wa da pynmih wei pna chna hi ki.