Da i thaw wa 2 Acre e ka sorkar cha ka manbei wa chah pynlooid sula wei chah kdoh ha u chrot bordiñ

Ka sorkar Karnataka da pynbna ko 2.03 Acre i thaw waka poisa wa Rs. 5 lak kam i yarap cha kawi ka manbei kawa da chah pynlooid sula wei chah kdoh ha uwi u chrot bordiñ ha kiwa chong chnong ka Vantamuri kawa em hajan ka chnong Belagavi iwa da jia ini wa dep.

Da jia ini ya kani ka manbei haka 11 tarik uni u bnai hadien wa u khon ko da yut u wa kawi ka kynthai kawa na kani ka jooh ka chnong.

Ka sorkar da pynmih hukum ko wow leh yeini hapoh ka Land Ownership Scheme lyngba ka Karnataka Maharashi Valmiki Scheduled Tribes Development Corporation heiwa u Montri ka chnat PWD, u Satish Jarkiholi da ong u wa ka Corporation da mynjur ko yeini khlem da pynslem.

Neiliang ki pulit ka Belagavi da kem ki sa 3 ngut ynnin ka sngi wei waroh kiwa da chah kem da em ki 11 ngut.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Hadien wa jia ini, da chah Suspend leh u Police Inspector ka Kakati Police Station, u Vijaykumar Sinnur.

Neiliang won ka BJP da phah bru ko yow lai cha ini i chnong wa jia ya kani ka manbei kawa 42 snem i rta kawa nyngkong da chah pynlooid sula wei da pynlai ka hapoh chnong khlem sula wei hadien da kdoh ki ka ha uwi u chrot bordiñ wei da dat da bom ya ka deiwa pynchit ka manyung ka kynthai kawa yut wa u khon kani ka manbei kiwa da lai sai ka na yung wa sah ko.

Ka BJP da phah ko da ki MP kynthai yong ka wa kynthup ya ka Aprajita Sarangi, ka Sunita Duggal, ka Ranjeeta Koli, ka Locket Chatterjee deilang waka BJP National Secretary ka Asha Lakra kiwa da poi ha Belagavi Airport ynnin i step wei da lai ki cha ini i chnong wa jia ini wei da yaklam ki leh wa kiwa chong chnong kamjooh kiwa ha-yung kani ka manbei.

Ka Aprajita Sarangi da ong ko wa ini da jia i heipor kamwa 1:30 i sngi heiwa kani ka manbei da chah dat chah bom, da chah looid sula wei da pynlai ka khlem sula wei da kdoh ki ka ha uwi u chrot bordiñ wei ki pulit dapoi ki heipor 3:30 wei ka Police Station toh kawa jngai du 10-12 Km donhi na ini i chnong heithaw u poi ki hapoh 10-15 minit donhi.

Neiliang u Deputy Chief Minister ka Karnataka, u DK Shivakumar da beiñ u yeini i leh ka BJP wow pynman Politics ya ini i kaam wot hadien wa ka sorkar da kem wei da pynchitom ko ya kiwa emkti.

Neiliang won ka High Court ka Karnataka da chim ko wow yaleh mukotduma da ka hi (Suo Moto) hajrong ini wa jia wei da phah leh ya ka sorkar wow e ko ya ka Status Report.