Ieh kaam ka Violet Lyngdoh kam ka Secretary ka UDP

Jowai: Ka kong Violet Lyngdoh kawa man kam ka MDC (UDP) ka Rymbai-Khliehriat Constituency ynne ka sngi da booh ko ka chithi ieh noh kaam (resign) kam ka Secretary ka Central Executive Committee ha u president ka UDP u Dr. Donkupar Roy.

Da ong ha ka chithi wa i daw wa ieh noh ya ini i kaam toh neidaw yong ka ki kaam samen wei sñiaw ko ym ye ko u pynhun ya ki kaam wa da pynkit ha ka wa boon ki kaam samen yong ka wa haap pyndep ko.

Da ong chooh chooh wa ym em daw ko wa kiwon kiwon ki dkhot ka UDP wei kmen bha ko yei rukom kreh ki dkhot ka seiñ kamjooh ya kiwa kyrchaan ya ka seiñ.

Da pteiñ deiwa ong wa ha ki snem wa da lai leh da kreh ko katwa ye ko neibynta ka UDP wei da yaroh ko leh ya i yah khmat u president wei ym em mut iwa ieh kaam ko pyrchah ya uwon uwon namo kawon kawon ki dkhot hapoh ka seiñ toh du neidaw yong ka hi samen wa boon ki kaam yong ka kiwa daw pynwit ya ka u pteiñ ko kam ka Secretary ka Central Executive Committee.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025