U Deputy Commissioner (Supply) East Jaiñtia Hills District, da pyntip u cha waroh ki Open Market Dealers wow bood ki ya ki kyndon wa da pynmih da ka yung krehkaam yong oo neipor cheipor.
Kitæ toh wa waroh ki Open Market Dealer hap ki wow pynyoo yei dor wei yei em Stock ki marbaam wa emkaam man-ka-sngi deiwa booh yeini hakhmat jar jiar i dukan ki man-ka-sngi khlem pep.
Ymtoh leh wow dai palat yei dor wa da booh næ wow tympleh yei dor wa da booh yong ki mar wa emkaam nadooh ki mar wa dei song wa ki mar wa dai khutia.
Chooh chooh da ong leh wa emkaam wow e ya ka Cash Memo cha ki paidbah wa thied mar wei da khang leh wow murieh wei wow dai Black ya ki mar wa emkaam.
Chooh chooh kitu kiwa khayi kiwa man kam ki ‘Non-Tribal Trader’ toh u em ki ya ki Trading License na ki bor wa toh u e yeini. Kiwa dai baam won toh u em ki ya ka FSSAI License na ki yung krehkaam u Food Safety Officer, East Jaiñtia Hills District.
Da phah leh wow chim ya waroh ki poisa nar manda su ki bru ya ki mar ki mata.
Ya kiwa leh pyrchah, leh thok, leh tooh daw pynchitom ki katkam ka aiñ, ong ka hukum.
Discussion about this post