Ka Bhartiya Janata Party (BJP) East Jaiñtia Hills District lyngba ka kyrwoh na u President yong ka, u Commanderful Sana, ka District In-charge cum State Vice President, ka Hakabiang Lyngdoh, kiwa ksohkaam wa ki dkhot yong ka waroh, da e khublei Christmas kamjooh u snem thymme wasuk wa kmen ya waroh ki khon ki raiot ka District, ka jylla waka ri hi waroh kawi.
“E wa ka Christmas u wanrah ko yei sñiawsuk sñiawkmen, ka phooh ka phieñ kamjooh u wanrah ko leh yei lehkmen leh sñiawbha kawa lai bait lai ryntih katkam i angnood ki para wa ngait Christian ha satlak pyrthai ryngkat i duwai i phirat yei wan manbru u khon u Blai u Jisu Christ uwa dap du i maya, i yoo wyrai wa i maap suda.
E leh wa ka Christmas u wanrah ko yei pynthymme yei im yong i ki bru deiwa em i mynsien jemnood, i nehchah wa i bha suda.
Chooh chooh da e khublei snem thymme wasuk wakmen ya ki khon ka District, ka jylla wa kamjooh ka ri waroh kawi. Kyrmen skem leh wa u snem thymme u man u u snem uwa ye wow wanrah yei jop ha uwi pa uwi wa kawi pa kawi wa chong chnong yong ka ri India yong i waroh kawi .
Kyrmen skem ka BJP-EJHD wow em i ya krehlang, i ya chaniah wa i sñiawthooh para i khnang yow ye u wanrah yei chongsuk chongsaaiñ kamjooh yow lai bait lai ryntih ka lehkmen leh sñiawbha kamjooh yow lait nei mynsoo wa na i awri awra.
Kiwi won ki chnat ka BJP Meghalaya haka 22 tarik da lai lehkmen Christmas ki heiwa ka BJP Meghalaya Mahila Morcha da lai ki cha ka thaw ri khynnah kawa tip kam ka God’s Dream Children’s Home wa em ha Pynthorbah.
Ka chnat khynroo ka BJYM won da lai ko cha ka TB Hospital wa em ha Shillong deiwa e yarap da ki baam.
Ka BJP Schedule Tribe (ST) Morcha won da lai lehkmen Christmas ko wa ki khynnah wa dooh wa duk wa em ha ka Anganwadi Centre ha Shillong Cantonment heiwa da e yarap sñiawbha ya ki.
Discussion about this post