Ka Meghalaya Cricket Association (MCA) da pynman ko ya ka yalang wa chisien chi snem haka 19 tarik uni u bna heiwa da chim ya kiwa boon ki rai yow pynku pynkrai ya ka yalehke Cricket hapoh ka jylla, wei da wan u chibynta da ki District Association ha kani ka yalang.
Kawi na ki rai wa da chim toh yow tipmit noh ya ka Eastern West Khasi Hills District Cricket Association kam ka Associate Member ka MCA khlem em i hok thap Vote tangwa daw yoh ko u man kam ka dkhot wa pura kam kiwi ki 11 tylli ki District Association.
Da rai leh wow thung ya u Justice Aloke Chakrabarti, uwa jooh man u kam Judge wa da chong-ngiah ka Allahabad High Court yow man u kam u Ombudsman wa Ethics Officer ka MCA neibynta chi snem.
Sa kawi ka rai toh yow wai ya ki Junior Cricket Academy ha waroh ki District neibynta ki chynrang wa ki kynthai kiwa em 8 hadooh 15 snem i rta wei kiwa chkeh dooh daw jied ya ki wow man kam kiwa yalehke ki District Team wa State Team yow yoh ki u chimbynta ha ki BCCI Tournament wa ha ki National Cricket Academy Camps.
Chooh chooh da rai leh wow e sikai yow pynpliah chooh chooh ya ki Coach, Umpire, Scorer, Physios, Trainers wa kiwi de wa em hapoh ka District wei daw kyrchaan leh ya kiwa boon ki Talent Hunt, ki Coaching Camp, ki Inter-School Tournament wa kiwi.
Discussion about this post