Ka Khynroo Khyllood Committee Loomkyrwiang Dorbar Chnong kam chibynta ka dak i leh burom ya ka lyngkhooh snem yap wa 161 u Kiang Nangbah ka wow man ha ka 30 tarik uni u bnai, ha kani ka tayaaw haka 23 tarik da pynman ko yaka yakob dro dur wei thoh sur Poetry.
U Lewansa-O Laloo, Secretary KKC Loomkyrwiang Dorbar Chnong da ong u wa i pynman ya kani ka yakob toh chibynta wow khriñ næ pynpsiah hei pyrkhat pyrdaiñ ki khon ka dong ka chnat chaphang u Kiang Nangbah wa man u khlawait ka Ri Pnar-Ri 12 Dolloi wa da yap ha u tylle pasi ka sorkar pharæng.
Chooh chooh da khana u leh wa ha ka 30 tarik, ka dorbar chnong da rai ko wow pynman ka yalang kynmoo warom ya ka lyngkhooh snem yap wa 161 ha yungwalieh heiwa daw em i klam i kappæ na ki waheh wasiañ wa kiwi ki de ki kaam wa yatoh wa u Kiang Nangbah.
Discussion about this post