Ka mukotduma PIL wa da yaleh hajrong i yah kari khlem akor da kiwa yah ar chaka, da bichaar ya ka da ka High Court ka Meghalaya heiwa da em leh u muktiar ka sorkar yow pynche iyi wa da leh ka sorkar yow pynkhor ya kini kiwa yah thuk-thuk deiwa yoo maa iwa da pynsi’er ya ki paidbah.
Kani ka PIL toh kawa da yaleh yei wym ye ki bor ka aiñ wow pynkrehkaam ya ka aiñ Motor Vehicle Act, 1988 yow pait yei pynhær wei yah khlemakor kiwa yah ar chaka hapoh ka East Khasi Hills District.
Da pynyoo leh hakhmat ka yung bichaar wa lyngba ka RTI da yoh jubab wa em 21 ngut kiwa yap wa 28 ngut kiwa mynsoo ha kini ki 12 bnai nadooh ka 30-07-22 hadooh ka 23-07-23 neidaw wa yah kari khlemakor.
Kamtæ uwa yaleh mukotduma kyntu u ya ki bor ka aiñ yow leh ki yeiwa emkaam yow ye u pyndooh pyndam ya ini wa jia kamjooh i maa ya kiwa lai wa wan.
Hajrong ini, ka yung bichaar da phah ko ya ka sorkar wow pyntikna ko wa ki pulit wa pait yei lai i wan ki kari toh u ye ki wow pyntikna wa bood ki paidbah ya ki kyndon aiñ yow lait na ini iwa da pynwit pynthut ya ki paidbah deiwa pyrkhat khamtam ha kini ki por lehkmen yow lait u jia iyi iyi.
Discussion about this post