Pynthymme ka UDP West Jaiñtia Hills ya ki dkhot ka EC wa kiwa ksoh kaam

Ka United Democratic Party (UDP), West Jaiñtia Hills da jied ko ya kiwa ksoh kaam thymme deilang wa ki Executive Committee wa thymme.

Ya kani ka yalang pynthymme da pynman haka 20 tarik uni u bnai ha Infinity Hall, Mooralong , Jowai hadien wa da phah da ka Central Executive Committee (CEC) ka Party heiwa da pynkup bor ya ki ar ngut ki MLA ka Party kitæ u Lahkmen Rymbui wa u Nujorki Sungoh yow pynman ya kani ka yalang.

Da pyntip wa kani ka Executive Committee toh ka wym em de krehkaam hadien wa u President wa kiwi de ki khot da mih noh ki napoh ka District Committee.

Ki dkhot thymme man ki kamni ha wah:

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Adviser- Micheal Sayoo (Ex-MDC)

President- Lahkmen Rymbui (MLA)

Vice President- i) J. Treilang Suchiang (MDC) ii) Winning Garland Sungoh (MDC)

General Secretary- Nujorki Sungoh(MLA)

Joint Secretary-  i) Onyx Suchiang, ii).Shri.Marki Mulieh(Ex-MDC)

Treasurer- Lamdibok Sumer (Ex-CEM)

Member

 i) Bhawan Chyrmang (Ex-MDC), ii) Brington Shylla (EX-MDC) kiwa waroh ar na 4-Mowkaiaw Constituency

i) Kolmen Pohsna ii) Herman Khonglah kiwa napoh ka 7 Amalrem Constituency

i) Ripil Rabon ii) Justine Phawa kiwa na 3 Raliang Constituency

Ki dkhot yong ka Jowai wa Nartiang Constituency daw jied won ha ka yalang wa daw pynman.

Ha kani ka yalang da jied leh ya ki 3 ngut ki dkhot khynroo wa kynthup ya u Eleazer C Dkhar, u Dawan Lyngdoh (MDC) wa u Medalin Swer yow man kam ki Convener ka Youth Wing ka UDP West Jaiñtia Hills District.

Kiwi de ki dkhot ka Women’s Wing wa ka Farmer’s Wing da rai da ka Committee wei daw pynbna won hadien.

Ka Committee da rai ko leh wow pynman biang ya ka yalang haka tayaaw wa nyngkong u snem thymme.