U yachem ka Dkhiah West waka Deinchynrum haka Final ka Women’s League

Ka Women’s League kawa tip leh kam ka Late Mary Tlang Memorial Trophy wa pynman da ka EJHDFA neibynta ki kynthai wa yalehbol ka East Jaiñtia, u poi noh ko cha ka yakhun Final kawa daw pynman ha ka 27 tarik uni u bnai ha mandan ka EJDSA kawa em ha Deinchynrum.

Ka Final u man ko hapyrdi ka Dkhiah West SC waka Deinchynrum SC kiwa da yoh mar 7 Point na le sien i yalehke.

Kani ka Final u sdang ko heipor 12:00 waje pyrdi sngi, kamtæ da khut ya phi ki paidbah wow wan paitke phi wei chwa u sdang kani ka Final daw em leh ka Friendly Match hapyrdi ka Champion ka 2^nd Division 2023 pyrchah ya ki khynnah Under-18 ka East Jaiñtia Hills heipor 10:00 waje i step.

Kam wow pynkynmoo wa kani toh ka sien wa ar wa da pynman ya kani ka Women’s League ha East Jaiñtia Hills da ka EJHDFA.