Pynku ka SBI yaka Interest ki Fixed Deposit

Ka State Bank of India (SBI) ynnin ka 27 tarik da pynbna ko wa da pynku ko ya ka Interest Rate yong ki Fixed Deposit (FD) hadooh 50 Basis Point namo 0.50% wei ini toh iwa da pynku nyngkong hadien 10 bnai ki wow krehkaam chisiendon.

Kani ym krehkaam ko ya kitu ki FD kiwa chi snem wei hapoh ar snem, kiwa ar snem hadooh le snem wa kiwa san snem hadooh chipaw snem i por.

Ka Interest Rate wa thymme toh ya kitu ki FD kiwa kut hapoh 7 sngi hadooh 45 sngi kiwa daw yoh kattu 3.50% ka Interest Rate. Kamjooh kitu kiwa 46 sngi hadooh 179 sngi da pynku yaka Interest Rate da 25 Base Point iwa da man 4.75% ka Interest.

Ki Fixed Deposit kiwa nadooh 180 sngi hadooh 210 sngi daw ku ka Interest Rate ki da 5.75% hadien wa pynku da 50 Basis Point katwa kitu won kiwa hapoh 211 sngi næ hadooh chi snem daw yoh ki 6% ka Interest Rate deiwa pynku da 25 Basis Point.

Related posts

U pynku dor ka TATA ya ki kari kamai nadooh u Naiynñiaw

June 20, 2024

Pynmih ka Forbes yei pyrtuid ki bru wa mahajon dooh ha pyrthai, yoh nyngkong uwa na France

March 19, 2024

Ya ki Fixed Deposit wa jrong i por, ka SBI da pynku ko da 25 Basis Point yow man ka Interest 6.75% neibynta kiwa kut hadooh 3 snem wa hapoh 5 snem.

Kiwa da heh rta leh daw yoh myntoi ki deiwa yoh 50 Basis Point hadien wa da pynku yaka Interest iwa mut da ku na 4% cha 7.5% neibynta ki FD kiwa ynñiaw sngi hadooh chiphaw snem.

Da ini, ka SBI leh da leh ko kamwa leh kiwi ki Bank wow pynku yaka Interest Rate ki Fixed Deposit neibynta uni u bnai wa kynthup yaka Bank of India, Federal Bank, Kotak Mahindra Bank waka DCB Bank.

Ini waroh toh hadien wa u Governor ka RBI, u Shaktikanta Das hapoh ka Monetary Policy Committee (MPC) haka 8 tarik uni u bnai da pynneh ko yaka Repo Rate da 6.5%

Ki FD Rate ka SBI nadooh ka 27 tarik man ki kamni ha wah:

7 sngi hadooh 45 sngi 3.50%

46 sngi hadooh 179 sngi 4.75%

180 sngi hadooh 210 sngi 5.75%

211 sngi hapoh 1 snem 6%

1 snem hapoh 2 snem 6.80%

2 snem hapoh 3 snem 7.00%

3 snem hapoh 5 snem 6.75%

5 snem hadooh 10 snem 6.50%

Ki FD Rate ka SBI neibynta kiwa da heh rta

7 sngi hadooh 45 sngi 4%

46 sngi hadooh 179 sngi 5.25%

180 sngi hadooh 210 sngi 6.25%

211 sngi hadooh 1 snem 6.50%

1 snem hadooh 2 snem 7.30%

2 snem hadooh 3 snem 7.50%

3 snem hadooh 5 snem 7.25%

5 snem hadooh 10 snem 7.50%