Yoh bor ka sorkar Meghalaya wow pynemkaam ya ki kot NCERT

I thmu ka sorkar wow pynemkaam da ki kot ka NCERT da man i iwa krehkaam hadien wa da e bor ka NCERT wow pynkylla ya ki kot yong ka deiwa jied yeiwa emkaam wei iwa yatoh waka jylla.

Ka sorkar ym pynemkaam ko ya waroh iwa em hapoh kini ki kot kamwa da dep pynbna ka sorkar ini wa dep wei ka NCERT da e bor ko wow pyndam wei wow pynkylla ya ki lynnong wa em ha kini ki kot wei da dep thung leh ka sorkar da ka Scrutiny Committee yow leh yeini.

Kini ki kot daw thoh leh ha ka ktien Khasi wa Garo neibynta ki skur Elementary.

Ka sorkar ini wa dep haka yachem lang ki Montri sorkar da dep ko wow rai ko wa ki kot ha ki skur Elementary u em noh ymtoh palat 5 Subject na iwa katni wa em hadooh 10-11 tylli ki kot wei i boon ki kot leh u pynduna noh.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Ka sorkar da pynksan ko leh yeini pynemkaam ya ki kot NCERT neibhah manda leh ya ki Entrance Exam boon iwa da kylli toh na ki kot wa ki lynnong ka NCERT.

I thmu ka sorkar toh wow sdang noh u pynemkaam ya kini ki kot ha uni u snem puræ wow wan wei daw em ki leh chiboon chaphang ka jylla, nadooh i parom ki khlawait, ka riti dustur wa kiwi kiwi hadooh chaphang ka Sixth Schedule.