Maham ka HNLC wow pynyap ya u Gavin Mylliem, MLA ka Sohra

Ka seiñ HNLC ha ka kyrwoh wa da phah da u Saiñkupar Nongtraw, General Secretary cum Publicity Secretary da ong ko wa i maham ka sorkar Meghalaya wow khang noh chisiendon yaka karkhana MCCL Ltd toh du ki kaam Politics donhi wei kam ka seiñ da beiñ joor ko yeini neibhah i thong toh yow pynpooh khih ya ki paidbah ka chnong Sohra wei ini toh i thong yong ki kattu katni donhi.

Ka HNLC da ong ko wa heithaw wow chimkhia yow pynmiat yaka MCCL, ka srokar da thmu pathan ko wow khang noh ka wei wow pynku ya ki karkhana yong ki dkhar kiwa wan na kiwi ki jylla wei ini toh iwa da leh khlem da ap da sñiaw yei sñiaw ki jaitbru ri-loom.

Kamtæ da ong wa ini da pyn artatien yei ye ka sorkar wow karbaar yei kaam hapoh ka jylla waroh kawi hawa tang ya ka karkhana warim leh ym ye ki wow leh yow pynim ya ka. Chooh chooh da ong wa ka Meghalaya toh ka jylla wa ar wa dooh na waroh hapoh ka ri hei yoh i kot kiwa chong chnong. Wei lada kamni ym slem de daw joor ka yaknieh yow yoh thaw yoh kreh ha Meghalaya para ki jaitbru tynre wa kiwa na baar. Ki khynroo leh daw man ki kiwa pisa lang’a wei daw yaleh pyrchah ki ya ka sorkar katwa ye ki. Wei ini i yaleh pyrchah daw mih ko ymtoh nei kwah ki paidbah yei laitlooid tangwa neidaw wym yoh de ki tang i baam wow baam.

“Lada lai ka sorkar chakhmat wow khang ya ka MCCL, toh i kaamram yong u MLA ka Sohra, u Gavin Mylliem wow chim yei kitkhlieh. Da toh leh u ieh noh u yei man kam u MLA. Wei lada ym bien u wow hiar nei kaam, ka HNLC daw booh ko yeini waroh hei tympha yong oo. Wa toh oo waka sorkar yong oo kiwa da tlep pynim ya ka MCCL, u bahkhlieh u yei kaam yong oo wei ya kam kini ki bru wa chet kylla ya ka jaitbru toh u pynchitom ki deiwa pynyap,” da ong ka seiñ deiwa pynrap wa kamwa man kattæ ym yoo de da kiwi ki laad ki luti.

Related posts

600 tylli ki kaam sikai wa lait wa daw pynbna ka sorkar wa ye kiwa sikai SSA wow yaleh: Rakkam

October 31, 2024

Da chna da uwi u sarok yow ye u lai ki Bus cha ka ISBT Mawiong

October 31, 2024

Ka HNLC da tyrwa ko ya kiwa kreh kani ka karkhana lada bien ki wow yakhih lang waka seiñ wow su ko ya ki da ka tulop wa Rs. 25,000 chi bnai tangwa toh u man ki kiwa em hapoh 45 snem chapoh yow ye ki wow chah sikai ha ki kaam yaleh. Wei lada pynyoo ki yei thrang i mynsien wei kiwa ngait ya ka yurim wa yieñ ka seiñ, daw pyrkhat ka seiñ wow e ya ki da ka tulop wa miat.

Khaddooh da ong wa ka sorkar toh u dam noh ko u klam da ki ktien wa thiang tangwa wow klam dei sakhiat ym toh da kamni kamtai.