Ka Khynroo Khyllood Committee ka Seiñraij Niamtre Ummulong (KKC-SRNU) ha ka 31 tarik u Kmaichonglad, 2023 da pynkut ko ya ka tayaaw lehkmen kut snem da ka yakob miat kynthai bha chynrang kawa tip kam ka Lasubon & Paila Ksiar 2023.
Chwa wow sdang ya kani ka yakob da em ka yalang wa tbian kawa pynlai da u Samehok Shylla uwa man leh kam u Chairman ka KKC-SRNU.
Da yoh ya ki kyntien maitphang na u Samekhatle Lamare, Secretary ka Committee, ki kyntien kyntu kyrsu na u Embhahlang Rymbai, General Secretary ka SRNU neitæ ki kyntien na u kongsan, u Ram Shylla uwa man u Advisor yong ka Committee wei da yoh ki kyntien khublei na u Iohchwa Miki Lamare, Asst. Secretary ka KKC-SRNU.
Ya i naam Lasubon Ksiar 2023 da jop da ka Emitre Lamare kawa na Ummulong katwa yei naam Paila Ksiar da jop da u Thranghok Lyngdoh uwa na Wahiajer.
Ya ka kyrdan wa ar ka Lasubon Ksiar da jop da ka Ibalari Sari kawa na Mukhla katwa hei wa le da yoh ka Sambun Phawa kawa na Wahiajer.
Ya ka kyrdan wa ar u Paila Ksiar da jop u Slowly Sumer uwa na chnong Mukhla katwa hei wa le da yoh u Sevenson Laloo uwa na Madur.
Ha kani ka miet da yoh leh yei rwai pynwyrngia na u Kyrkhumiki Passah (K. Myke Passah).
Hadien wa pynkut ya ka yakob da pynbood sa i ngoohblai ngoohsyiem na u Knermiki Passah .
Ha chwa u pynkut neiliang ka Committee da e khublei snem thymme wasuk wa kmen ko ya waroh ki khon ka Seiñraij.
Discussion about this post