Ka MeECL chwa wow kut u snem 2023 da ye ko wow pynkrehkaam ya ar tylli ki thaw pynmih bordiñ kawi toh ka Umiam Stage-II Hydro Electric Project kawa em ha Ri-Bhoi District kawa ye wow pynmih bordiñ khlem da pynlang um tangwa dei bor wa lai ka um ha ka wah.
I rukom krehkaam toh deiwa wan ka um naka Umiam Stage-I lyngba ka Tunnel wa jrong 1,896m wa uwi u Open Channel wa jrong 1,189m.
Kani ka um da pynlai ka cha ka Forebay kawa man leh kam ka Surge Tank yow pynkhlan yei bor ka um neitæ da em uwi u Penstock wa da bhah won ha ki ar tylli ki Pipe. Kini ki Pipe da pynskit ya ar tylli ki 10 MW Francis Turbine.
Da ini da pynkhlan yei ye u pynmih wei pynpoi bordiñ cha kiwa boon ki yung ki sem wa ki thaw khih kamjooh ki dukan wa em ha Meghalaya, da ong ko MeECL.
Sa kawi ka thaw pynmih bordiñ wa da ye u pynkrehkaam toh ka Kynshi Sub-Station kawa da kyrchaan da ka ADB kawa da man kawa da krehkaam kattæ.
Kani ka 33/11kV Substation toh kawa khlanbor 2.5 MVA wa 1.6 MVA wei da pynchit ka haka 14-12-23.
Kani kattu daw e bordiñ ko da iwa tikna cha ka chnong Kynshi, Myriaw wa ki sainar bordiñ (Feeders) ka Lawbyrtun yow pynyoh bordiñ cha kiwa boon kiwa chong chnong.
Discussion about this post