Uwa yahkhmat ka BJP wa pait yaka Party ha Meghalaya, u M Chuba Ao da pynksan u wa hadooh katni ka Party ym em ko yei thmu wow khroh næ khut ya u Dr. Mukul Sangma wow psiah cha ka BJP.
Kam wow kdaw heini wa ki khubor da mih ki man-i-por wa uwa yahkhmat ka TMC ha Meghalaya uwa man leh u Montri Rangbah warim ka jylla, u Dr. Mukul Sangma ye u wow psiah noh cha ka BJP.
Hawa kyntait ya kani ka khubor, u Chuba Ao da ong u wa hadooh katni ym pu em iwon iwon i yaklam ha ka Party wow khroh ya u Dr. Mukul wow wan psiah cha ka BJP.
U Chuba Ao da ong u leh wa ka Party da kammon kammon leh ym lai khut ko ya u Dr. Mukul tangwa chong ha oo lada kwah u næ ym kwah wow psiah cha ka BJP.
Discussion about this post