Dei dro dur iwa khana yei parom wei dustur ka jylla da pynmiat yaka yung krehkaam ka DC

U Montri ka chnat Tourism, u Paul Lyngdoh, ynne da wai u yei dro pynmiat dur namo ka Mural Painting wa da leh haka yung krehkaam ka Deputy Commissioner ka East Khasi Hills, Shillong iwa da pynwandur hajrong ka phang wa ong “Root and Rhythm” wa da kyrchaan da ka Indian Foundation waka Asian Paints deiwa ya krehlang waka sorkar Meghalaya.

Ini i dur wa da dro toh i buit i sap u Mario Pathaw iwa man leh iwa phooh wa phieñ iwa pynyoo leh yei long i man ka rym-aw kamjooh ka dustur riti heiwa u Paul Lyngdoh da pynsñiaw u yei yaroh wa i kmen wow yoo yei sap ki bru yong i.

Da ong u leh wa ini i dur da pynyoo ko yei mahajon ka dustur riti kamjooh i emyatoh ka jaitbru waka bei rym-aw heijooh i por da pynmiat ko yei yung krehkaam ka DC wei ini daw pynchlur ko leh ya kiwa uiñke suwari yow lai thooh yei miat wa em hapoh ka jylla.

Chooh chooh da ong u wa ka Meghalaya em ko chiboon wow e cha ka pyrthai nadooh ki parom chaphang ki kchaaid, ki loom ki wah wot hadooh ka suiñ bneiñ. Da pynbna u leh wa ka Meghalaya da yoh ko ym duna ya 15 lak ngut kiwa wan uiñke suwari kiwa da wan na kylleiñ ka pyrthai iwa man u moomær wa heh wa da poi ka jylla.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Da ya emlang ha kani ka sngi waka Deputy Commissioner, ka RM Kurbah deilang wa kiwi ki sahep wa kiwa chah khut sñiawbha.