Jowai : Ka scheme UJALA kawa thmu wow pynduna ya ka bai light ki paidbah deiwa dai ya ki Bulb LED cha waroh ki manyung heidor wa duna bar ya kiwa dai cha yaaw cha hat ynne ka sngi da pynhiar dor ya ki dor kini ki Bulb na T. 90 cha ka T. 70.
Kini ki LED Bulb wa khlan bor 9W, ki dor yaaw yong ki toh T. 200 hadooh T. 300 tangwa neiliang ka Energy Efficiency Services Limited (EESL) da thied ko ya ki na ki Company waphær waphær wei da dai toh dor ko cha ki paidbah kamjooh leh wan ki wa ka Warranty wa le snem.
Ha Jowai da sdang u dai ya ki ha ka ophis ka MeECL nadooh u bnai Khonchonglad tang wa ynne ka Common Service Centres (CSC) Ummulong da wan chong dai ki ha pchem ka opis u DC, WJH wei u em ki man ka sngi nadooh 10 waje i step hadooh wa khang ophis lait noh ka sngi Chohthat wa ka sngi Bibar.
Ya kiwa kwah u thied emkaam ki u rah ki ya ka EPIC namo ka Driving License ye leh u pynemkaam ya kiwon kiwon ki ID sorkar.
Discussion about this post