Ka National People’s Youth Front (NPYF) 1-Nartiang Constituency haka 5 tarik uni u bnai da yoh ko wow pynman yei jied namo ka Audition ya kiwa chimbynta haka 1st 1-Nartiang Constituency Miss, Mr & Mrs Contest kawa daw pynman haka 23 tarik uni u bnai ha Wahiajer kawa man leh ka sngi pynkut yaka 3rd Sniawbhalang Football Tournament 2023-2024.
Ha kani ka yakob miat kynthai wei bha chynrang toh kawa em le bynta kawa man neibynta ki khynroo, ki khyllood wa ki manbei kiwa chong chnong yong ka 1-Nartiang Constituency.
Ya kani ka yakob da pynman da u MLA ka thaaiñ, u Sniawbhalang Dhar uwa man leh kam u Symbood Montri Rangbah ka sorkar Meghalaya.
Ya kani ka Audition da wan wow chimbynta yow bichaar da ka S.D. Shylla kam ka District Tourism Officer yong ka West Jaiñtia Hills District deiwa emlang u Kmenlang Shylla wa kiwa kitkaam ka NPYF 1-Nartiang Constituency.
Waroh da em kamwa 76 ngut kiwa da wan wow ya chimbynta ha kani ka Audition ha waroh le bynta.
Hadien wa pyndep yaka Audition da jied 30 ngut ki wow lai chakhmat yow yaknieh yei naam jop iwa 10 ngut haka yakob Miss, 10 ngut haka Mr wa 10 ngut haka Mrs 1-Nartiang Constituency.
Kam wow pynkynmoo wa ka khusnaam neibynta kiwa jop man ki kamni ha wah:
Miss 1-Nartiang Constituency
1st Prize: Rs. 50,000
2nd Prize: 30, 000
3rd Prize: Rs. 20,000
Mr 1-Nartiang Constituency
1st Prize: Rs. 50,000
2nd Prize: Rs. 30,000
3rd Prize: Rs. 20,000
Mrs 1-Nartiang Constituency
1st Prize: Rs. 30,000
2nd Prize: Rs. 20,000
3rd Prize: Rs. 10,000
Discussion about this post